Igandeetan 22:00etatik 23:00etara – Borja Arbosa eta Iñigo Sendinorekin.
2010ean sortu zen EuskaDigitaleko euskarazko magazin teknologikoa, euskal entzuleei teknologia gerturatzeko asmoz. Sarean Zehar orduak irauten duen bitartean, gaurkotasun teknologikoa komentatu eta azalduko dugu, entzule guztien eskura jartzeko. Ekitaldi teknologikoentzako lekua ere badago, gure inguruko azken joerak ezagutzeko. Horrez gain, beste gai batzuk sakonki jorratzen ditugu, hala nola bideojokoak edo segurtasun informatikoa, gure kolaboratzaileei eta Sarean Zeharreko atalei esker.
Edizio honetan, gure arreta jarriko dugu Euskaltelen eta bere azpiegituren aldaketan; Twitterren, eta bere formatuaren aldaketan; eta lehiaren agintaritzetan, eta bere izendapen aldaketan ere. Aldatu ez diren atalak bueltatuko dira, Berri azkarrak eta TituLOL.
Podcast: Reproducir en una nueva ventana | Descargar
Aste honetan Appleren azken produktuak birpasatuko ditugu, Europar Batasuna gurekin itzuliko da eta NAN berria sartuko dugu mugikorretan. Ekitaldien arloan, Librecon eta Durangoko Azoka agertuko dira gure agendan. Azkenik, bideojokoei buruz hitz egingo dugu Gaming Room-eko Gaizka eta Aitor gonbidatuz.
Podcast: Reproducir en una nueva ventana | Descargar
Programa honetan gaurkotasun eskasiari aurre egingo diogu iraganetik berreskuratutako atal batzuekin eta aspaldian ikusi ez genituen albisteekin. Kontuz erosten duzuenarekin eta partekatzen duzuenarekin.
Podcast: Reproducir en una nueva ventana | Descargar
Edizio honetan ekarriko ditugu Apple eta Google aurkeztu dituzten gailu eta funtzionalitate berriak. Bestalde, 5Garen zabalkuntza birpasatuko dugu, Euskaltel eta Movistarren eskuz. Twitch euskaraz laster egotea espero dugu ere.
Podcast: Reproducir en una nueva ventana | Descargar
Denboraldi berria estreinatzen dugu Radar Covid aplikazioaren iturburu kodearekin, Facebookek datu babesarekin dituen arazoekin edota Apple eta Fortniteren arteko borroka judizialekin.
Podcast: Reproducir en una nueva ventana | Descargar
Denboraldiko azken saio honetan, Applek aurkeztu duen azkenekoarekin, Euskaltelen akordio berriekin eta MKKNren zigorrekin ospatzen dugu gure jaia. #HamarkadanZehar eman digun onena birpasatuko dugu gure entzuleekin batera, eta galdera oso garrantzitsu bat erantzungo dugu: egongo da hamaikagarren denboraldi bat?
Podcast: Reproducir en una nueva ventana | Descargar
Edizio honetan futbol profesionala nola itzuli den, Skypek MKKNrekin izan dituen arazoak eta Amazonek enpresaren urruntze sozialerako hartu dituen neurri berriak ezagutuko ditugu. Azkenik, gure #HamarkadanZehar atalaren azkenengo saioa ekarriko dugu, 2019. urtearekin.
Podcast: Reproducir en una nueva ventana | Descargar
Aste honetan bero handiarekin hartuko ditugu hilabete berriak ekarriko dizkigun albisteak: Youtube, Amazon edo Play Station izango dira gure gai nagusiak, eta amaitzeko, #HamarkadanZehar 2018. urtera eramango gaitu.
Podcast: Reproducir en una nueva ventana | Descargar
Aste honetan mundu teknologikoaren hainbat apostu berri mahai gainean jarriko ditugu. Movistar, Euskaltel, Facebook, Apple, Google, Puntueus…. eta gure apostua, atal berri batekin. Hortaz aparte, gure #HamarkadanZehar hariarekin jarraituko dugu, 2017. urtea birpasatzen.
Podcast: Reproducir en una nueva ventana | Descargar
Aste honetan Europar Batasunak gure webguneetan cookie-ak kudeatzeko dituen irizpide berriak ezagutuko ditugu, Whatsappeko bot berria aurkeztuko dizuegu eta berri txikiak azkar komentatuko ditugu. Gure #HamarkadanZehar atalean, 2016. urtera bueltatuko gara.
Podcast: Reproducir en una nueva ventana | Descargar
