Sarean Zehar

Gabonetako oporren ondorengo lehen programa honetan, denboraren zati handi bat azken hilabeteko gure esperientzia teknologikoei buruz hitz egiten emango dugu. Borjak Gemini, NotebookLM eta bere bezeroen datuak IArekin tratatzeko eta konfidentzialtasuna ahalik eta gehien gordetzeko ezarri dituen LLM aukerei buruz hitz egingo digu. Iñigok, bere aldetik, Izarkomekin, Euskal Herriko telekomunikazio kooperatibarekin, izandako esperientzia kontatuko digu, eta garaje-plazan karga puntu bat jartzeko dituen zailtasunak azalduko dizkigu. Gainera, CES 2026 programak aurten ikusi duen interes apurraz, Apple bere “Inteligence” hobetzeko Googleren teknologia erabiliko duela eta RAM memoria garestituko dela azalduko dute.

Podcast: Reproducir en una nueva ventana | Descargar

2025. urteko azken atalean, gaurkotasuneko gai batzuk jorratuko ditugu, eta elkarrizketa berezi bat izango dugu, BIG Conferencetik egina. Berrien atalean, Telefonicako enplegu-erregulazioko prozesuaz, horren kausez eta langileengan duen eraginaz hitz egiten hasiko gara. Publikoa izandako enpresa baten erantzukizun sozialaz eta azpiegitura estrategikoen pribatizazioaz eta kudeaketaz ere eztabaidatuko dugu. Bizkaiko mugikortasunaz ere ari gara, Bilbobusen banku-txartelaren bidezko ordainketaren ezarpena, kostuak, garraio publikoaren erabilera sustatzeko duen benetako erabilgarritasuna eta Europako beste eredu batzuekin alderatzea aztertuz. Saioaren bigarren zatian, Gaizka Carmonak Ibai Aizpurua Gillotine-ren sortzailearekin hitz egingo du. Barrakarekin izandako arrakastaren ondoren, Ibaik XIX. mendeko unibertso alternatibo batean girotutako bideojoko bat aurkezten digu, folklorean eta euskal mitologian inspiratua. Bertan, burua moztuta duen protagonista batek burua berreskuratu behar du etsaiak galtzen dituen bitartean, eta trebetasun bereziak ematen dizkioten buruak erabiltzen ditu. Berarekin hitz egingo dugu 2015ean hasitako sorrera-prozesu luzeaz, ia bakarrik proiektu bat garatzeko erronkaz, Game.eus inkubagailuan parte hartzeaz eta eman dioten babesaz eta euskaraz eta beste hizkuntza gutxituetan sortzearen garrantziaz.

Podcast: Reproducir en una nueva ventana | Descargar

Gaurko saioan, gure inguruan gertatu diren ekitaldi ezberdinak aprobetxatu ditugu gaurkotasun teknologikoa alde batera utzi eta azken asteetan sortu diren beste gai batzuei buruz hitz egiteko. Gaming Roomeko Gaizka Carmonarekin hitz egiten hasi gara, Valvek aurkeztu dituen kontsola berriei buruz. Tracking Bilbaorekin jarraituko dugu, Bilboko zabalguneko merkatuan egin zen ekitaldi batean, Tracking Bilbao Podcasting sariak banatu baitzituzten. Unai Unda euskarazko sariaren irabazlea ezagutuko dugu, Nekane Salcinesek elkarrizketatua. Azkenik, Durangora joango gara Izarkomek eta Altxa Buruak Durangoko Azokaren 60. edizioan aurkeztu duten «Doitu» gida ezagutzera, Garikoitz Garaialderen eskutik.

Podcast: Reproducir en una nueva ventana | Descargar

Sarean Zehar saioaren edizio honetan, hasteko, PuntuEus fundazioaren eta Izarkom kooperatibaren arteko akordioa aipatuko dugu, euskarazko digitalizazio proiektuak abian jartzeko. Berrien atalean, aurten Black Fridayk sortu digun interes falta aipatu dugu. Era berean, gaurkotasun orokorreko gai gisa, V16 balizak derrigorrezkoak izango direla errepidean gelditutako ibilgailuak seinaleztatzeko. Bere eraginkortasuna komentatzen dugu, baita transmititzen dituzten datuei lotutako mitoak ere, AEPDk gezurtatu dituenak. Europako albisteetan, alde batetik, Europako Batzordea DBEOren datuak babesteko neurriak murriztea eztabaidatzen ari da, IAren eta lehiakortasunaren alde; eta, bestetik, Brusela Google ikertzen ari da komunikabideen bilaketaren emaitzak manipulatzeagatik. Amaitzeko, Whatsappen oinarritutako Berri azkar batzuk eta TituLOL bat ditugu.

Podcast: Reproducir en una nueva ventana | Descargar

Aste honetan hiru gai nagusitan zentratuko dugu programa. Lehenengoa OpenAI da, azkenean irabazi asmorik gabeko erakundea izateari utzi eta enpresa pribatua izango dena. Bigarrenik, Chat Control 2.0-ri buruz hitz egiten jarraituko dugu, eta azpimarratuko dugu Danimarkak baztertu egin duela mezularitzako aplikazioen enkriptazioarekin amaitzeko proposamena. Halaber, Italiak adinari buruzko egiaztapena eskatuko du helduentzako orrietan, eIDAS jarraibideen arabera eta Cartera Digital Betaren estiloan. Berri azkarrekin amaituko dugu saioa.

Podcast: Reproducir en una nueva ventana | Descargar

Sarean Zehar programaren atal berrian Internet Archive-aren mugarria ospatzen dugu, artxibatutako bilioi bat web orri lortu dituena. Ondoren, Iñigok Opel Corsa elektriko berriarekin izandako esperientzia kontatu digu, gidatzeko autonomia, karga eta erosotasuna aztertuz. Gaurkotasun teknologikoarekin jarraitzen dugu: Amazonen hodeiaren beherakada globala automatizazio-akats baten ondorioz, Danimarkaren planak sare sozialen erabileran 15 urteko gutxieneko adina finkatzeko, eta Europar Batasunean eztabaida eta ikerketak Snapchat, YouTube, Apple Store eta Google Play plataformetan adingabeak babesteari buruz. Programa Berri Azkarrak eta TituLOLekin amaituko dugu.

Podcast: Reproducir en una nueva ventana | Descargar

Sarean Zehar programaren atal honetan Europa aurrerapen teknologikoaren eta kontrol digitalaren artean nola mugitzen den aztertzen dugu. Microsoftek Windows 10en segurtasun-eguneraketak Europan doan zabaltzeko hartutako erabakiaz, Stop Killing Games mugimenduaren herritarren presioaz eta Chat Control 2.0ri buruzko eztabaida polemikoaren itzuleraz ari gara. Halaber, TikTok gaiari buruz Estatu Batuek eta Txinak egindako akordio historikoa errepasatuko dugu, eta LaLigak sarearekin duen azken gatazkari buruz hitz egingo dugu labur-labur.

Podcast: Reproducir en una nueva ventana | Descargar

16. denboraldiaren lehenengo saioa 15. urteurrena ere markatzen duen saioa da, eta ospatu nahi izan dugu bidai akustiko bat eginez, 400.ean komentatu genituen gertakatiak osatuz. Zatoz gurekin batera azken 15 urteetako soinuak birpasatzera.

Podcast: Reproducir en una nueva ventana | Descargar

15. denboraldiaren azken saioa, 400. izan dena ere, saio berezia izan da. Alde batetik, zuzenean publikoarekin La Perreran egindako saioa izan delako, eta bestetik, azken 15 urteren argazkiak eta protagonistak birpasatu ditugulako. Gure saiorik azpimagarrienak, inoiz argitaratutako irudiak eta komentatu ditugun berririk interesagrrienak komentatuko ditugu gure publikoarekin bat.

Podcast: Reproducir en una nueva ventana | Descargar

Azken bi aste hauetako berri nagusienak izango dira protagonista gure denboraldiaren azken ohiko saioan. Batetik, Applek sistema eragile berriak aurkeztu ditu WWDC ekitaldian, haien gailu eta plataformen artean dauden ezberdintasunak desagerrarazteko nahian. Horrekin batera, diseinu berria aurkezt dute, Liquid Glass izenekoa, sistemaren ikono eta elementu guztiak gardenak egiten dituena. Bestetik, bideojokoak protagonistak izan dira, Summer Game Fest ekitaldian hainbat aurkezpen azpimagarri egin direlako azken egunetan. Sonic Racing Crossworlds, LEGO Voyagers, Monument Valley 3 eta Gnaughty Gnomes izan dira joku aipagarrienak, baita ROG Ally Xbox ordenagailu eramangarria ere.

Podcast: Reproducir en una nueva ventana | Descargar