Sarean Zehar

Sarean Zehar saioaren edizio honetan, gure ‘Komediaren Kluba’ berreskuratuko dugu, bereizmen handiko LTD emisioen derrigortasunaren atzerapenaz hitz egiteko. Googlen eta Microsoften iragarritako kaleratzeak, egile-eskubideak izan ditzaketen IAk sortzen dituzten edukien inguruko salaketa eta Polizia Nazionalaren aurpegi-errekonozimendurako sistema berria ere aipatuko ditugu.

Podcast: Reproducir en una nueva ventana | Descargar

2023ko lehen programa honetan urteko lehen ekitaldien errepasoa egingo dugu, horien artean Consumer Electronic Show-a, berrikuntza interesgarri batzuk utzi dizkiguna. Halaber, DuckDuckGori buruz ere hitz egingo dugu, Googleren saioa hasteko pop-up-ak blokeatuko dituena; Twitterreko 400 milioi erabiltzaileei buruz, datuak lapurtu zaizkienak; eta Microsofti buruz, ChatGPT Bing-en integratuko duena. Horren ildotik, Alexa bezalako entzuleen etorkizunaz ere hitz egingo dugu. Urtarrilean ospatuko diren bi ekitaldi ere gomendatuko ditugu: EuskalHack Security Talks eta Bilbostack.

Podcast: Reproducir en una nueva ventana | Descargar

2022ko azken programan, OpenAIk garatutako chatbot eredu bati buruz hitz egingo dugu, ChatGPT izenekoa, oso sinesgarria izatea lortzen duena. Halaber, luze eta zabal hitz egingo dugu Europar Batasunak moneta digital bat sortzeko egin duen proposamenaz, eta herritarrentzat zer den hausnartuko dugu. Azkenik, derrigorrezko USB-C data jarriko dizugu: 2024ko abendua.

Podcast: Reproducir en una nueva ventana | Descargar

Euskaraldia eta Euskararen Nazioarteko eguna pasata, saio honetan berriaren atala pixkat luzetxoa geratu zaigu. Gaurko honetan saiatuko gara berriro ere Twitterri buruz gehiegi ez hitz egiten. Horretarako, Europar Batasunak ekartzen dizkigun berriak aipatuko ditugu, hala nola, 5G konexioa hegaldietan baimenduki dela eta bere satelite bidezko interneta martxan jarri nahi duela. Bestalde, datu prozesamendu zentroek sortzen duten kutsadurari buruz hitz egingo dugu. TituLOL baino lehen hiru berri formatu txikiagoan aipatuko ditugu: Debekua. New Yorkeko estatuarena kriptotxanponengan; Harpidetza, Mercedesek martxan jarriko duena bere auto berrietan ezaugarri batzuk aktibatzeko, eta Komisioa, PayPal kobratuko duena erabilerarik gabeko akontuei.

Podcast: Reproducir en una nueva ventana | Descargar

Albisteen atalean, Twitterreko arazoez hitz egiten jarraituko dugu, sinesgarritasun-arrakala sortu baitu ordainketa-erabiltzaileen eta egiaztatutako kontuen egiaztapen-zigiluak berdintzean. Bitartean, Mastodonek gorantz jarraitzen du, erabiltzaile berri eta erabiltzaile aktibo askorekin azken aste hauetan. Metak, bere aldetik, Twitterren bidea jarraitzen du, eta 11000 kaleratze iragarri ditu, metaversoaren aldeko apustua ez dela ondo atera aitortuz. Saioa bukatu baino lehen, Libreconera joango gara. Han EJIEko Oscar Guadillarekin hitz egin dugu, eta erakunde horren lana administrazio publikoarekin batera zertan datzan kontatu digu. Berarekin hitz egin dugu Eusko Jaurlaritzaren eraldaketa digitalaz eta abian jarri diren berrikuntza-proiektuez. Azkena NIK Patrika Digitala da, oraingoz probetan dagoena eta orain arte plastikozko txartelean aurkezten diren egiaztagiriak telefono mugikorrean gordetzeko balioko duena.

Podcast: Reproducir en una nueva ventana | Descargar

Saio honetan Twitterren sortu den nahasketa birpasatuko dugu. Bertan behera utzitako kontuak berrezartzea edo Twitter Blue harpidetzaren prezio aldaketaz gain, kaleratze kolektiboaren prozezuaz hitz egingo dugu ere. 3000 langile baino gehiago kaleratzearen aukako demanda aurkeztu dute langileek, eta uste dute ez duela garaiz eta behar bezala bete. Bitartean, Europar Batasunak martxan jarri du Merkatu Digitalaren Lege berria, Google, Amazon, Facebook edo Apple bezalako erraldoi teknologikoen botere gehiegikeriei aurre egiteko helburuarekin. Bestalde, indarrean sartuko den kotxe kargagailu berrien betebeharrak komentatuko ditugu, haien artean, 2019an 10 milioi litro gasolina eta gasolio baino gehiago saltzen dituzten gasolina-zerbitzuguneek 150 kW-ko edo gehiagoko potentzia duen karga-puntu bat instalatu beharko dutela. Bukatzeko, gure berri azkarrak eta TituLOL.

Podcast: Reproducir en una nueva ventana | Descargar

Aste honetan Elon Musk bueltan dago gure saioan bere Twitterreko arazoekin, baita ere Netflix eta bere iragarkien plan berriak. Protagonosta hauekin jorratuko dugu berrien atala, bestelako berri azkarrekin eta TituLOLarekin ere.

Podcast: Reproducir en una nueva ventana | Descargar

Programa honetan Borja bueltatzen da berriak komentatzeko, eta kasu honetan, gai aniztasuna izan dugu: Google Stadia, Google Chrome, Google Maps, Alphabet… Horretaz aparte, adimen artifizialen udako eztandaz hitz egingo dugu.

Podcast: Reproducir en una nueva ventana | Descargar

Denboraldi hasiera honetan, iPhone 14aren aurkezpenaz hitz egin dugu eta Apple kritikatu dugu beste behin. Uber eta Rockstarren segurtasun arazoez ere ari gara, eta Intelek Pentium eta Celeron markak erabiltzeari utziko diola. Gainera, Gaizka Borja ordezkatzera datorrela aprobetxatuz, uda honetako bideo-jokoen aurkezpenez hitz egin dugu.

Podcast: Reproducir en una nueva ventana | Descargar

12. denboraldiko azken saioan, udako lehen berriak errepasatu ditugu Borjarekin. Besteak beste, Elonek Twitter erosi nahi ez duela eta zerbitzu digitalen Europako lege berriak aipatuko ditugu. Ondoren, gure elkarrizketan Basque CyberSecurity Center ezagutuko dugu, Eriz Lopeteguiren eskutik. Berarekin erakunde honen jatorriei buruz hitz egingo dugu, bere funtzio eta zerbitzuei buruz eta zibersegurtasunari dagokionez gaur egun bizi duen egoerari buruz.

Podcast: Reproducir en una nueva ventana | Descargar